बुटवल । बुटवलमा खेल क्षेत्रमा महत्वपूर्ण भूमिका खेल्दै आएको लाफा समुहको तेस्रो साधारण सभा तथा प्रथम अधिवेसनबाट बबिन थापाको अध्यक्षतामा सर्वसम्मत १५ सदस्यीय नयाँ नेतृत्व चयनभएको छ । सोमबार भएको समुहको अधिवेशनबाट बबिनको अध्यक्षतामा वरिष्ठ उपाध्यक्ष ज्ञानु थापा, उपाध्यक्ष विजय गुरुङ, सचिव बेगप्रसाद पाण्डेय, सहसचिव खिम सिंजाली, कोषाध्यक्ष यमबहादुर चौतारे, सह-कोषाध्यक्ष अनिल सिजाली निर्वाचितभएका हुन् ।
साधारणसभा तथा अधिवेशनको लुम्बिनी प्रदेश खेलकुद परिषदका सदस्यसचिव जयप्रकाश भट्टराईले उदघाटन गरे । उदघाटनसत्रलाई सम्बाधेन गर्दै सदस्यसचिव भट्टराईले खेल र खेलाडीको विकासमा निजीस्तरमा स्थापना भएका संघसंस्थाहरुको योगदान महत्त्वपूर्ण रहेको बताए । उनले नेपालको खेलकुदमा सरकारको बजेट न्यून हुनुको नीतिगत रुपमा धेरै समस्या रहेको उल्लेख गर्दै खेलकुद नीतिमा सुधार गर्न नसकेको खेल क्षेत्रको विकास नहुने बताए ।
नीजि क्षेत्रबाट खेलकुद विकासमा योगदान भएको उदाहरण लाफा समूह भएको भन्दै उनले आगामी दिनमा पुर्वाधार विकासमा आवश्यक सहयोग गर्ने प्रतिवद्घता पनि जनाए।
कार्यक्रममा लाफाका उपाध्यक्ष बबिल थापाले ३ वर्षको अवधिमा ४ वटा ठुला ब्याडमिन्टन प्रतियोगिताका साथै भलिबल, फुटसल लगायतका धेरै प्रतियोगिता गर्न सफल भएको बताए । हाल लाफामार्फत ब्याडमिन्टनका १ सय २५ जना, भलिबलका ८५ जना, फुटसलका २५ जना सदस्यका साथै आमा र बाबा समुह लगायतको परिवार शक्तिको रुपमा रहेको उनले बताए ।
समुहका सल्लाहकार मीन सारुले लाफा सबै जाति, धर्म र संस्कृतिका खेलाडीलाई समेटेर अगाडि बढेको भन्दै खेललाई विकासमा महत्वपूर्ण रहेको बताए ।
कार्यक्रममा बुटवल उपमहानगर वडा नं ८ का वडा सदस्य सीताखनाल, सल्लाहकार चक्रबहादुर थापा, संरक्षक बासुदेव लामिछाने, कानुनी सल्लाहकार कृष्ण रोक्कालगायतले खेलको विकासमा सरकारको ध्यानदिनुपर्ने बताए ।
अध्यक्ष तारासिह रेश्मीेले आफ्नो कार्यकालमा भएको कामको बारेमा जानकारी दिदै आगामी कार्यकालमा थप कार्यक्रमहरुमा सहयोगको प्रतिवद्धता जनाए ।
अधिवेशनबाट तिलक थापा, संगित प्रधान, बारिस राना, नरेश ढुगाना, गोपाल ज्ञवाली, बुनु थापा, दुर्गा सुन्धौली र प्रदिप पाण्डे सदस्यमा सर्वसम्मत चयन भएका छन् ।
प्रतिक्रिया