प्रतिनिधिसभा बैठक २ बजेसम्म स्थगित, सूचना टाँसेर बैठक सारियो

काठमाडौं । प्रतिनिधिसभाको बैठक सूचना टाँसेर सारिएको छ । बुधबार बिहान ११ बजेका लागि डाकिएको बैठक १ बजेसम्म बस्न नसकेपछि सारिएको हो ।

बिहान ११ बजेका लागि डाकिएको बैठक दिउँसो २ बजे बस्ने गरी सारिएको संघीय संसद सचिवालयका महासचिव डा। भरतराज गौतमले जानकारी दिएका छन् ।

संसदमा अर्थमन्त्री जनार्दन शर्माले आफुमाथि लागेका आरोपबारे बोल्नका लागि समय माग गरेको थाहा पाएपछि प्रमुख प्रतिपक्षी एमालेले शर्मालाई बोल्न नदिने तयारी गरेको थियो । त्यसपछि सभामुख अग्निप्रसाद सापकोटाले बैठक स्थगित गरी छलफल गरेका थिए ।