काठमाडौंं । नेकपा एमालेका अध्यक्ष केपी शर्मा ओलीले वर्तमान सरकारलाई सडकमा मिल्काउनुपर्ने बेला आइसकेको बताएका छन् ।
काठमाडौंमा आयोजित एक कार्यक्रमलाई सम्बोधन गर्दै अध्यक्ष अोलीले सरकारले जतासुकै जनविरोधी र राष्ट्रविरोधी मात्र काम गरेकोले अब यो सरकार एक छिन पनि बस्न नहुने जिकिर गरे । उनले सरकार आफै नहटे जनताले टिपेर सडकमा मिल्काउने चेतावनी दिए ।
ओलीले सरकारले देशको ढुकुटीभित्रै बसेर लुटपाट मात्र मच्चाएको आरोप लगाउँदे ओलीले अब यसलाई स्वीकार गरेर बस्न सक्ने अवस्था नभएको जनाए ।
‘खुलेआम देशको ढुकुटीभित्रै पसेर लुट्ने यस्तो सरकार विश्वमा अन्यत्र छ ? कमसेकम चोरले पनि झ्याल ढोका फाडेर चोर्छ ’, ओलीले भने, ‘यो सरकारले त साँचोले खोेलेरै लुट्यो । हद होइन यो ?’
ओलीले वर्तमान सरकारले एउटा राम्रो एउटा पनि गर्न नसकेको टिप्पणी गरे । नालायक, भ्रष्ट, अनैतिक, सरकारमा एकछिन बस्न पनि मिल्दैन ओलीले भने
प्रतिक्रिया