स्थानीय निर्वाचनमा भएको अन्तर्घातको छानविन गर्न माओवादी केन्द्रले बनायो समिति

काठमाडौं । नेकपा माओवादी केन्द्रले गत वैशाखमा भएको स्थानीय तह निर्वाचतमा पार्टीभित्रै भएको अन्तर्घातको छानविन गर्ने भएको छ । त्यसका लागि माओवादी केन्द्रले छानविन समिति बनाएको छ ।

पार्टी कार्यालय पेरिस डाँडामा शनिबार बसेको स्थायी सिमिति बैठकले स्थानीय निर्वाचनमा भएको अन्तर्घातको छानविन गर्न तीन सदस्यीय समिति बनाएको हो ।

समितिको संयोजकमा अनुशासन आयोगका अध्यक्ष टंक राई छन् भने सदस्यमा मुक्ति प्रधान र खिमलाल देवकोटा छन् ।

केन्द्रीय समिति बैठकमा केन्द्रीय सदस्यहरूले नै चुनावमा सहयोग नगरेको र आफ्ना उम्मेदवारलाई घात गरेको कुरा उठेपछि स्थायी समितिले अन्तर्घातको विषयमा छानविन गर्न समित गठन गरेको हो ।

माओवादीमा मधेश प्रदेशमा अन्तर्घात भएको केन्द्रमा रिपोर्टिङ गरिएको थियो । अन्तर्घातकै कारण माओवादी मधेशमा कमजोर बनेको बताइएको छ ।