नेपालगन्ज । भारतीय उच्च सुरक्षा अधिकारीहरुले नेपालमा युरोनियमको खोजि गरिरहेका बेला बाँके प्रहरीले युरोनियम जस्तो देखिने खनिज पदार्थ बरामद गरेको छ । बाँकेको खजुरा गाँउपालिका १ सैनीकबाट प्रहरीले ठूलो मात्रामा युरोनियम जस्तो देखिने खनिज पदार्थ बरामद गरेको हो ।
बाँकेको खजुराबाट सो पदार्थ सहित चार जनालाई पक्राउ गरेको बाँके प्रहरी प्रवक्ता डीएसपी मधुसुदन न्यौपानेले बताए । । बरामद भएको खनिज पदार्थलाई परिक्षणका लागि केन्द्रीय प्रयोगशाला पठाईएको डीएसपी न्यौपानेले बताए ।
नेपालबाट २७ किलो युरोनियम भारत भित्रँदै गरेको सूचनाको आधारमा भारतीय प्रहरीको सेन्ट्रल ब्युरो अफ इन्भेस्टिकेसन (सिबिआई) र भारतीय गुप्तचर निकाय रिसर्च एन्ड एनालिसिस विङ (रअ) को टोलि समेत बाँकेमा परिचालित भएको खबर आईहेको बेला बाँके प्रहरीले सो खनिज पदार्थ बरामद गरेको हो । भारतीय सुरक्षा अधिकारीको तैनाथीका विषयमा भने डीएसपी न्यौपानेले अनविज्ञता प्रकट गरे ।
भारतीय सुरुषा निकायले नेपालको अनुसन्धान बिभागलाई युरोनियमका बारेमा सूचना दिइपनि अनुसन्धान बिभागले सफलता पाउन नसकेपछि भारतीय अधिकारीहरुको टोलि नेपाल प्रवेश गरेको उच्च स्रोतको दाबी छ । पक्राउ परेका व्यक्तिहरुको नाम भने प्रहरीले खुलाउन चाहेन । अनुसन्धान जारी छ, युरोनियम पुष्टि भएको अवस्थामा उनीहरुको पहिचान खुलाउँछौं । डीएसपी न्यौपानेले बताए । पक्राउ परेका व्यक्तिहरु भारतीय प्रहरी नै हुन सक्ने घटनास्थलका प्रत्येक्षदर्शी बताएका छन् । ‘उनीहरुको हाउभाउ र जिउडाल हेर्दा प्रहरी जस्तै देखिन्थे ।’ नाम बताउन नचाहने एक स्थानीयबासीले खबुरकुरालाई बताए ।
अबैध नाका हुँदै भारततर्फ जाँदै गरेका चार जनालाई शंकास्पद बस्तुसहित पक्राउ गरि बाँके प्रहरीले सत्य जाँचका लागि बरामद बस्तु खानी तथा भू–गर्भ विभाग पठाएको हो ।
सम्बद्ध जानकारहरुका अनुसार, बरामद गरिएको शंकास्पद खनिज युरेनियम हो भने यसले निकै ठुलो अर्थ राख्छ । युरेनियम एउटा धातु हो । जुन धातु भू–गर्भ तथा समुद्रमा पनि पाइन्छ । रसायनशास्त्रीहरूले यसलाई ’हेभी मेटल’को वर्गमा राखेका छन् । यो ११३२ डिग्री सेल्सियस तापक्रम पुगेपछि मात्र पग्लिन्छ ।
नेपालको मुस्ताङ जिल्लामा युरोनियमको खानी रहेको बताईएपनि त्यसको उत्खनन् गर्न भने सरकारले आँट गर्न सकेको छैन ।
प्रतिक्रिया