बुटवल । आइतबार अपरान्ह पाल्पाको लघुवामा भएका बस दुर्घटनाका मृतकहरुको सनाखत भएको छ । मृत्यु भएको झण्डै १५ घण्टा पछि मृतकहरुको सनाखत भएको हो ।
पाल्पा प्रहरीले दिएको जानकारी अनुसार दुर्घटनामा परि मृत्यु हुनेहरुमा गुल्मी चन्द्रकोट ८ मजुवाका १५ वर्षिय प्रवेश काफ्ले, गुल्मी मुसीकोट ७ बस्ने ४० वर्षिय लालबहादुर राना कुमाल, रुपन्देही देवदह ७ की वर्ष ८७ की डिलसरी कामी, कपिलवस्तु वाणगंगा ५ का ४५ वर्षिय सुरज भन्ने यज्ञबहादुर सोमै, नवलपरासी वर्दघाट ५ की २४ वर्षिया पुर्णीमा कामी तथा बागलुङ बडिगार्ड १० की ५५ वर्षिया यमकली थापा रहेका छन् ।
दुर्घटनामा घाईते भई अस्पतालमा भर्ना भएका १६ जना मध्य ८ जना उपचार पश्चात डिस्चार्ज भएका छन् । ८ जनाको तानसेन स्थित मिसन अस्पतालमा उपचार भईरहेको प्रहरीले जनाएको छ । बागलुङको बुर्तिबाङबाट बुटवल तर्फ आउँदै गरेको लु १ ख ५९५२ नम्बरको बस पाल्पा रिब्दिकोट २ लघुवामा सडकबाट १०० मीटर तल खसेको थियो ।
प्रतिक्रिया