इस्लामावाद । पाकिस्तानका राष्ट्रपति डा आरिफ अल्वीले अफगानिस्तानका विद्यार्थीहरूलाई अल्लामा इकबाल ओपन युनिभर्सिटी र पाकिस्तानको भर्चुअल युनिभर्सिटी मार्फत अनलाइन शिक्षा सुविधा उपलब्ध गराउने आफ्नो प्रस्तावलाई पुनः दोहोर्याएका छन्।
आफुलाई भेट्न आएका अफगानिस्तानका शिक्षामन्त्रीसँगको भेटमा राष्ट्रपति अल्बीले यो प्रस्तावलाई दोहोर्याएका हुन् । अफगानिस्तानमा उच्च शिक्षाको अवस्था दयनीय रहेको बताएका थिए ।
राष्ट्रपतिले अफगानिस्तानमा राष्ट्रव्यापी इन्टरनेट जडान नभएकाले सुरुमा एआईओयू र भियूपीसँगको सहकार्यमा अफगानिस्तानका पुरुष र महिला दुवै विद्यार्थीलाई टेलिभिजन नेटवर्कमार्फत अध्यापन गराउन सकिने बताए ।
त्यसक्रममा राष्ट्रपतिले भने – पाकिस्तान पुरुष जनसंख्याको बराबर महिलाहरूलाई पनि समान शैक्षिक अवसरहरू प्रदान गर्नेमा विश्वास गरेको छ।’ उनले इस्लामले महिला र पुरुषको भेदभाव नगरी सबैलाई शिक्षा दिनमा जोड दिएको बताए । यदि अफगानिस्तानले आफ्ना महिला विद्यार्थीलाई आफ्नै रुचीअनुसार शिक्षा प्रदान गर्ने उपायहरू गरिरहेको छ भने, सबै सञ्चार माध्यम र सञ्चारका साधनहरूमार्फत विश्वका अन्य भागहरूमा पनि उनीहरूको चिन्ता कम गर्न उचित रूपमा प्रचार गरिनुपर्ने उनको भनाइ छ।
राष्ट्रपति अल्बिले पाकिस्तान अफगानिस्तानमा शान्ति र विकास चाहने बताउँदै आफ्नै मानव संसाधनको विकास विना यो पुरा हुन नसक्ने समेत बताए ।
प्रतिक्रिया