माओवादी स्थायी समिति : गठबन्धन, समाजवादी केन्द्र र पदाधिकारीमाथि छलफल

खबर कुरा
१२ श्रावण २०७९, बिहीबार
                 

काठमाडौं । नेकपा (माओवादी केन्द्र)ले वाम लोकतान्त्रिक गठबन्धन कायमै रहने जनाएको छ ।

बिहीबार बिहान बसेको माओवादी स्थायी समिति बैठकमा आगामी निर्वाचनसम्म वाम लोकतान्त्रिक गठबन्धन कायमै रहने विषयम नेताहरुको समान धारणा रहेको बताइएको छ । तर, गठबन्धनका साथसाथै वामपन्थी दलहरुबीच समाजवादी केन्द्र बनाउने विषयमा पनि पहल गर्ने विषयमा बैठकमा छलफल भएको छ । समाजवादी केन्द्र बने चुनावमा कांग्रेससँगको सिट बाँटफाँटमा बार्गेनिङ पावर बढ्ने निर्णायक शक्तिको रुपमा सो केन्द्र बन्ने माओवादीले निस्कर्ष निकालेको छ ।

पाँच दलीय गठबन्धनको लाभ र नोक्सानी, समाजवादी केन्द्र निर्माण, आगामी संघ र प्रदेशको चुनावी रणनीति लगायत समसायमयिक विषयमा नेताहरुले धारणा राखेको एक स्थायी समिति सदस्यले बताए ।

बैठकमा पार्टी पदाधिकारी नियुक्तिसहित स्थायी समिति र पोलिटब्युरोलाई पूर्णता दिनुपर्ने विषयमा नेताहरुले धारणा राखेका िथिए । नेताहरुको बोल्ने क्रम बाँकी नै रहेका कारण भोलि बिहान ८ बजे पुनः बैठक बस्नेछ ।

यसमा तपाइको मत

Your email address will not be published.


*