कोरोना संक्रमित थपिने क्रम झन बढ्दै, एकैदिन ७१० जनामा संक्रमण पुष्टि

काठमाडौं । कोरोना भाइरसको चौंथो लहर फैलिने क्रम दिनदिनै बढ्दै गएको छ । पछिल्लो २४ घण्टाको बीचमा ७१० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

देशभरका परीक्षण केन्द्रमा ५ हजार २५ नमुना परीक्षण गर्दा ७१० जनामा संक्रमण पुष्टि भएको हो ।

मन्त्रालयका अनुसार २५ सय ४१ जनाको पिसीआर र २४ सय ८४ जनाको एन्टीजेन परीक्षण गरिएको थियो ।

नेपालमा अहिले ४२ सय ३६ जना संक्रिय कोरोना संक्रमित रहेका छन् । यस्तै, दुई सय १५ जना पछिल्लो एक दिनमा संक्रमणमुक्त भएका छन् ।

२४ घण्टाको बीचमा थप दुई जनाको कोरना संक्रमणबाट मृत्यु भएको छ । यससँगै हालसम्म कोरोना संक्रमणबाट मृत्यु हुनेको संख्या ११ हजार ९६२ पुगेको छ ।