सच्चा ईश्वर बा आमा

कविता
शिबकुमार रेग्मी
१४ श्रावण २०७९, शनिबार
                 

चामल, घ्यु, तिल पोल्छौ
ओम स्वाहा भन्दै
पत्थर माथि दुध चढाउँछौ
१०८ गन्दै

बुवा आमा बृद्धाश्रममा
मन्दिरलाई चन्दा
देखावटी धर्म गर्छौ
भित्र अर्कै धन्दा

श्रीमतीको गाला चाट्छौ
बा आमालाई गाली
धर्महुन्न मन्दिरमा
लाखबत्ति बाली

देवता नै पुज्छौ भने
बा आमालाई पुज
आफ्नै घर मन्दिर हो
सत्य कुरा बुझ

धर्म हुन्न ढुङ्या माथि
लड्डु चढाएर
कस्ले खान्छ मरेपछि
पिण्ड लडाएर ?

लाखौ पैसा खर्च गरि
महापुराण लाउछौ
साक्षात देवता घरमै छाडी
मनिदरमा धाउछौ

मन्दिरको शिलालेखमा
रैछ तिम्रो नाम
बगलिमा छुरा राख्छौ
मुखमा रामराम

कोशेली न्युजबाट साभार 

यसमा तपाइको मत

Your email address will not be published.


*