काठमाडौं । बजेट निर्माणमा अनाधिकृत व्यक्तिको प्रवेश गराएको अरोप लागेपछि अर्थमन्त्रीबाट राजीनामा दिए माओवादी जनार्दन शर्मा नै पुनः अर्थमन्त्री बन्ने भएका छन् । माओवादी केन्द्रले शर्मालाई नै पुनः अर्थमन्त्री बनाउन प्रधानमन्त्री सिफारिस गरेको छ ।
माओवादी अध्यक्ष प्रचण्डले आइतबार बिहान प्रधानमन्त्री शेरबहादुर देउवालाई भेटेर शर्मालाई अर्थमन्त्री बनाउन सिफारिस गरेको बताइएको छ ।
प्रधानमन्त्रीले शर्माको नाम शितल निवास पठाएपछि राष्ट्रपतिबाट आजै उनले पद तथा गोपनियताको सपथ लिने बताइएको छ ।
बजेट भाषणको अघिल्लो रात अनधिकृत मानिसहरुलाई अर्थमन्त्रालयभित्र लिएर करका दरमा हेरफेर गरेको भन्दै विवादमा आएपछि उनले अर्थमन्त्री पदबाट राजीनामा दिएका थिए ।
तर यसबारे छानबिन गर्न बनेको संसदीय विशेष समितिले शुक्रबार बजेट निर्माणको क्रममा अर्थ मन्त्रालयमा अनधिकृत व्यक्ति प्रवेश गरेको नदेखिएको प्रतिवेदन बुझाएको थियो ।
प्रतिक्रिया