काठमाडौं । अर्थमन्त्री जनार्दन शर्माले पद तथा गोपनीयताको सपथ लिएका छन् ।
राष्ट्रपति भवनमा आयोजित कार्यक्रममा राष्ट्रपति विद्यादेवी भण्डारीले शर्मालाई पद तथा गोपनीयताको सपथ दिलाएकी हुन् ।
शर्मालाई प्रधानमन्त्री शेरबहादुर देउवाको सिफारिसमा राष्ट्रपति भण्डारीले आजै अपरान्ह अर्थमन्त्रीमा नियुक्त गरेकी थिइन ।
गत असार २२ गते अर्थमन्त्रीबाट राजीनामा दिएका शर्मा २५ दिनपछि पुनः मन्त्रीमा नियुक्त भएका हुन् ।
करका दर हेरफेर गरेको आरोप लागेपछि छानबिनलाई सघाउन भन्दै शर्माले राजीनामा दिएका थिए । शर्माबारे छानबिन गर्न सभामुख अग्निप्रसाद सापकोटाले असार २२ गते नै संसदीय छानबिन विशेष समिति गठन गरेका थिए । तर, छानबिन समितिले शर्मामाथि लागेका कुनै पनि आरोप पुष्टि हुने प्रमाण नभेटिएको प्रतिवेदन संसदलाई बुझाएको थियो ।
प्रतिक्रिया