एकैदिन थपिए ८१४ जना कोरोना संक्रमित

काठमाडौं । एकै दिनमा ८१४ जना कोरोना संक्रममित थपिएका छन् ।

पछिल्लो २४ घण्टामा थप ८१४ जनामा कोरोना संक्रमण पुष्टि भएको छ स्वास्थ्य तथा जनसंख्या मन्त्रालयले जनाएको छ ।

५ हजार ४१५ जनाको परीक्षण गर्दा यतिको संख्यामा संक्रमित थपिएको मन्त्रालयले सार्वजनिक गरेको तथ्यांकमा उल्लेख गरिएको छ । २ हजार ७६२ जनाको पीसीआर परीक्षण गर्दा ५०९ जनामा संक्रमण देखिएको थियो । यस्तै २ हजार ६५३ जनाको एन्टीजेन परीक्षण गर्दा ३०५ जनामा संक्रमण देखिएको थियो ।

आज थपिएसँगै कोरोनाका सक्रिय संक्रमितको संख्या ५ हजार १४४ पुगेको छ । आज २९९ जना संक्रमणमुक्त भएका छन् ।

पछिल्लो २४ घण्टाको बीचमा कसैको पनि मृत्यु नभएको पनि मन्त्रालयले जनाएको छ ।