काठमाडौं । नेपाली कांग्रेसका शीर्ष नेताको बैठक बसिरहेको छ ।
प्रधानमन्त्री निवास बालुवाटारमा बसिरहेको बैठकमा आगामी निर्वाचनका लागि पार्टीको रणनीति र गठबन्धनबीच सिट बाँटफाँटमा पार्टीको पोजिशनको विषयमा छलफल भैरहेको छ ।
गठबन्धनका शीर्ष नेताहरुबीच मंसिर ४ गते हुने प्रतिनिधिसभा र प्रदेशसभा निर्वाचनमा तालमेल गरेर अघि बढ्ने सहमति भएको थियो । सोही सहमतिअनुसार आज दिउँसो ३ बजे तालमेलको मोडालिटी तय गर्न बनेको ११ सदस्यीय कार्यदलको बैठक बस्दैछ ।
कांग्रेसले आफुले बहुमत ल्याउने गरी सिट बाँटफाँट गर्ने रणनीति बनाउने भएको छ । १६५ सिटमा ९५ सिट भन्दा तल नझर्न नेताहरुले काँग्रेस शीर्ष नेतृत्वलाई सुझाव दिएका छन् ।
कांग्रेस बैठकमा पूर्वपदाधिकारीहरु समेत सहभागी छन् ।
प्रतिक्रिया