१६ चैत्र २०८०, शुक्रबार | March 29, 2024

राजधानी सार्ने हतारो, मुख्यमन्त्री केसीले गराए राप्ती प्राविधिक विद्यालयलाई साउन महिनामै खाली गराउने निर्णय



भालुवाङ । कार्यकाल सकिने दिन नजिकै आउँदा लुम्बिनी प्रदेशका मुख्यमन्त्री कुल प्रसाद केसीलाई बुटवलबाट दाङमा राजधानी सार्ने हतारो लागेको छ । राजधानीका लागि आवश्यक पूर्वाधार तयार नहुँदै मुख्यमन्त्री केसीले साउन भित्रै राप्ती टेक्निकल कलेजलाई स्थानीय सरस्वतीमा माबीमा सारेर मन्त्रालयहरु दाङ सार्न दवाव सिर्जना गर्न थालेका छन् ।

मुख्यमन्त्री केसी आफै बैठकमा बसेर राजधानी निर्माण एवं स्थापनाका लागि भन्दै राप्ती टेक्निकल शिक्षालय साउन ३१ गते सरस्वती मा.वि. गढुवामा सार्ने निर्णय गराएका छन् । केसी आफै उपस्थित रहेको आज बसेको टेक्निकल बिद्यालयको सञ्चालक समितिका बैठकले लुम्बिनी प्रदेशको राजधानी निर्माणको कार्य अगाडि बढेको र सो कार्यलाई सहयोग गर्नका लागि साउन ३१ गते नै बिद्यालयलाई सरस्वती माबीमा सार्ने निर्णय गरेको हो ।

केसीले प्रमुख जिल्ला अधिकारी एवं सञ्चालक समितिका अध्यक्ष हिरालाल रेग्मी मार्फत बैठक बसालेर तत्काल स्थान खाली गराउने निर्णय गराएका हुन् । बैठकमा अध्यक्ष रेग्मीले विद्यालयलाई स्थानतरण गर्नका लागि सबैले सहयोग गरि दिन आग्रह गरेका थिए ।

बैठकमा बोल्दै राप्ती टेक्निकल प्राविधिक विद्यालयका प्रमुख शालिकराम डाँगीले विद्यालयको राजधानी ल्याउनै पर्ने भएपछि सार्न ढिलाई गर्न नहुने बताए ।

बैठकमा सहभागी मुख्यमन्त्री केसीले लुम्बिनी प्रदेश सरकारले राजधानी निर्माण र राप्ती टेक्निकलको विकासका लागि बरावरी प्राथमिकता राखेर काम गर्ने आश्वासन दिए ।

बैठकले राप्ती टेक्निकललाई २०७९ साल साउन ३१ गते सार्ने, टेक्निकलकोले सो भवन एवं सामान बरबुझरातका लागि मुख्यमन्त्री तथा मन्त्री परिषद्को कार्यालयलाई पत्रचार गर्ने, सार्नका लागि आवश्यक बजेट र भौतिक संरचना निर्माणका लागि प्रदेश सरकारकासँग बजेट माग गर्ने समेत निर्णय गरेको छ ।

 

 

प्रकाशित मिति : २४ श्रावण २०७९, मंगलबार  ७ : ४८ बजे

लुम्बिनीका होटल व्यवसायी आन्दोलित

भैरहवा । पटक पटक अन्दोलित बनेका लुम्बिनी क्षेत्रका होटल व्यवसायी

लगानी सम्मेलनमा प्रदेशका आयोजनाको पनि स्टल राखिने

काठमाडौं । आगामी वैशाखमा हुने तेश्रो लगानी सम्मेलनका क्रममा प्रदेशस्तरीय

खुमबहादुर खड्कालाई भ्रष्टाचारको झुठ्ठो मुद्दामा फसाइयो, उनको योगदान अतुलनीय छ : सभापति देउवा

दाङ । नेपाली कांग्रेसका सभापति शेरबहादुर देउवाले कांग्रेस नेता खुमबहादुर

एन आई सी एशिया बैंकले मनायो सप्ताहव्यापी ‘ग्लोबल मनी विक २०२४’

काठमाडौ । एन आई सी एशिया बैंकले वित्तीय साक्षरता अभिवृद्धि

मन्त्री फेरिँदैमा सरकारको नीति परिवर्तन हुँदैन : अर्थमन्त्री पुन

काठमाडौं । अर्थमन्त्री वर्षमान पुनले निवर्तमान अर्थमन्त्री डा. प्रकाशशरण महत