काठमाडौं । संघीयता खारेजको माग सहित प्रदेश निर्वाचन बहिस्कारको घोषणा गरेका राष्ट्रिय स्वतन्त्र पार्टीका सभापति रवि लामिछाने संघीयता खारेजको मागबाट पछि हटेका छन् । उनले आफ्नो पार्टी संघीयता खारेजीको पक्षमा नरहेको समेत बताएका छन् ।
बिहीबार राष्ट्रिय स्वतन्त्र पार्टीले आयोजना गरेको ‘उम्मेदवार आह्वान’ कार्यक्रममा उनले प्रदेशका संरचनाबारे धेरै अस्पष्टता भएकाले आफुहरुले सुधारको माग मात्र गरेको बताए ।
‘हामीले प्रदेश सभा निर्वाचनमा भाग लिन्नौं भनेपछि धेरैले हामीलाई संघीयताविरुद्ध लाग्यो, प्रदेश खारेज गर्न खोज्यो भनेर प्रचार गरियो तर त्यस्तो होइन,’ उनले भने, ‘स्थानीय तहले धेरै राम्रो काम गरेका छन् । यद्यपि केही समस्या पनि देखिएका छन् । तर, प्रदेशका धेरै संरचना देशका लागि बोझ भएको हामीले सुझाव पायौं । त्यही भएर हामीले प्रदेश निर्वाचनमा सहभागी नहुने निर्णय गरेका हौं ।’
आवेशगमा आएर संघीयताको विपक्षमा जेहाद छेडेका रविलाई युरोपियनहरुको दवाव आएपछि संघीयताको चर्को विरोधबाट उनी पछि हटेको स्रोतको दाबी छ ।
प्रतिक्रिया