काठमाडौं । काठमाडौं महानगरपालिकाका प्रमुख बालेन्द्र साह (बालेन)सहितको टोली बिहीबार नयाँ बानेश्वर र शंखमुल क्षेत्रमा रहेका अनधिकृत संरचना हटाउन पुगेको छ ।
त्यसक्रममा नयाँ बानेश्वर क्षेत्रमा सडक पेटी मिचेर पार्किङ गराइरहेको अल्फा बिटाका संचालकसँग मेयर बालेनको नोकझोँक परेको छ । भवनको नक्शा मागेका बालेनलाई उल्टै नक्शा महानगरमा हुने बताएपछि अल्फाबिटाका संचालकलाई बालेनले ‘तपाईंको घरको नक्शा मसँग हुन्छ कि तपाईंसँग’ भन्दै थर्काएका थिए ।
अल्फाबिटाले भवनको अगाडिको भागमा सटर निकालेर सडक पेटीलाई प्रभावित पार्ने गरी फार्मेसी संचालन गरिरहेको छ ।
महानगरीय प्रहरी महाशाखा प्रमुख डीआईजी मीरा चौधरीसहित सुरक्षाकर्मी लिएर पुगेको महानगर टोलीले अल्फाबिटाबाहेक शंखुमल क्षेत्रमा बनेका अनधिकृत संरचनाको अवलोकन गरेको छ ।
शंखमूल वर्गर हाउसको अण्डरग्राउण्डको अवलोकन गरेको महानगरको टोलीसँग घरधनी र बर्गर हाउस सञ्चालकले आइतबारसम्म भूमिगत पार्किङ खाली गराउने प्रतिबद्धता जनाएका छन् ।
महानगरको टोलीले बिहीबार सो क्षेत्रमा अन्डरग्राउन्ड पार्किङ गर्ने स्थानमा व्यवसायका लागि भाडामा दिएपछि सो स्थान खाली गराउन निर्देशन दिएको छ ।
नयँ बानेश्वर क्षेत्रमा पनि महानगर टोलीले बिहीबार अनुगमन गरेको छ । गत सोमबार नयाँ बानेश्वरमै अन्डरग्राउन्डमा रहेका पसल हटाएको र अनधिकृत संरचना भत्काएको महानगरले बुधबार सुन्न्धरास्थित काठमाडौं मल, न्यूरोडको आरबी कम्प्लेक्समा बनाइएको अनधिकृत संरचना भत्काएको थियो ।
प्रतिक्रिया