तिलोत्तमामा दुई मोटरसाइकल ठोक्किँदा २ बालबालिकाको मृत्यु

बुटवल । रुपन्देहीको गोरकटामा मणिग्रामबाट जादै गरेको बुलेट बाईक र पश्चिम बाट आउँदै गरेको पल्सर मोटारसाईकल एक आपसमा ठक्कर खाँदा २ जना बालबालिकाको मृत्यु भएको छ ।

तिब्र गतिमा रहेका दुई मोटर साईकल एक आपसमा ठक्कर खाँदा दुई जनाको बालकको मृत्‍यु भएको प्रदेश ट्राफिक प्रहरी कार्यालय बुटवलले जनाएको छ । मृत्यु हुनेमा तिलोत्तमा ३ शंकरनगरकी १२ वर्षिया समिक्षा खराल र ७ वर्षिय सुग्रीम खराल रहेका छन् । प्रहरकिा अनुसार दुर्घटनामा घाइते हुनेहरुमा सुद्धोदन ३ का ३४ वर्षिय सुरज काफ्ले र तिलोत्तमा ३ की कमला खराल रहेका छन् । उनीहरुको क्रिमसन अस्पताल मणिग्राममा उपचार भईरहेको छ ।

लु १६ प ६१३० र लु २८ प ४३७३ नम्बरको मोटरसाईकल साँझ अन्दाजी ६ बजेको  समयमा एक आपसमा ठोक्किएको थियो ।