काठमाडौं । नेपालले एक खेल अघि नै केन्या विरुद्धको एक दिवसीय सिरिज कब्जा गरेको छ ।
तीनवटा दिवसीय खेलमा नेपालले लगातार दुई खेलमा जित निकाल्दै सिरिज कब्जा गरेको हो ।
शनिबार भएको दोस्रो खेलमा नेपालले १६ रनको जित हासिल गर्दै २०को अग्रता लिएसँगै अन्तिम खेल अघि नै सिरिज विजेता बन्न सफल भएको हो । शुक्रबार भएको पहिलो खेल पनि नेपालले जितेको थियो ।
शनिबार भएको खेलमा नेपालले पहिला ब्याटिङ गरेको थियो । ४ बल खेल्न बाँकी छँदा नेपाल २३० रनमा अलआउट भएको थियो । २३० रन बनाउन कप्तान रोहित पौडेलले ७८ रनको योगदान दिएका थिए । उनले ९५ बलमा ७ चौका हानेका थिए । यस्तै देव खनालले ३७ रन र ज्ञानेन्द्र मल्लले २५ रनको योगदान गरे।
२३१ रनको लक्ष्य पाएको केन्या ४६।३ ओभरमा २१४ रनमा अलआउट भयो। नेपालका बलर दीपेन्द्रसिंह ऐरीले ४ विकेट लिए भने सोमपाल कामीले ३ विकेट, पवन सर्राफ र करण केसीले १,१ विकेट हात पारे।
अब अन्तिम खेल सोमबार हुँदैछ ।
प्रतिक्रिया