काठमाडौं । नेकपा (माओवादी केन्द्र) का अध्यक्ष पुष्पकमल दाहाल प्रचण्डले गठबन्धन दलहरुबीच भोलि बुधबार सिट बाँटफाँटको टुंगो लाग्ने बताएका छन् ।
सुदूरपश्चिम प्रदेश प्रशिक्षणका लागि मंगलबार बिहान धनगढी पुगेका अध्यक्ष प्रचण्डले भोलिसम्म सिट बाँटबाँटको टुंगो लाग्ने बताएका हुन् । प्रचण्डले सबै दलहरु लचकताका साथ प्रस्तुत हुने विश्वास व्यक्त गर्दै प्रचण्डले सबै विषयमा बुधबार शीर्ष नेताहरु बसेर टुंग्याउने बताए ।
प्रचण्डले १०० सिटको दाबी गरेको कांग्रेस, ६० सिटको दाबी गरेको माओवादी र २५÷२५ सिटको दाबी गरेका एकीकृत समाजवादी र जनता समाजवादी पार्टी अब भोलि लचक भएर प्रस्तुत हुने विश्वास व्यक्त गरे । उनले कांग्रेस ८० सिटको आसपासमा सहमतिमा आउने जनाउँदै आफ्नो पार्टी पनि ६० सिट भन्दा तल झर्ने बताए । प्रचण्डले आज साँझसम्म सिट बाँटफाँट कार्यदलले प्रतिवेदन बुझाउने जानकारी पनि दिए ।
अध्यक्ष प्रचण्डले निर्वाचनका लागि मनोनयन दर्तापछि प्रतिनिधिसभा र प्रदेशसभा नरहने प्रष्ट पारे । उनले भने, ‘एक्दम क्लियर, त्यहाँ दुविधा रहनै पर्दैन, मनोनयन पछि संसद रहँदैन ।’ गठबन्धन दलहरुबीच संसदको आयु लम्ब्याउन नुहुने विषयमा छलफलभएको उनले बताए ।
प्रतिक्रिया