दाङ । म्याद थप गर्न प्रहरीले दाङ जिल्ला अदालत लगेको एक जना बन्दी अदालत परिषरबाट फरार भएका छन् ।
घोराही उपमहानगरपालिका वडा नं. १७ का २२ बर्षीय लक्ष्मण बिश्वकर्मा बिहीबार पाँच बजेतिर जिल्ला अदालतबाटै फरार भएको जिल्ला प्रहरीले जनाएको छ ।
बिश्वकर्मा सुन चोरी अभियोगमा बुधबार पक्राउ परेका थिए । विश्वकर्मालाई भित्र न्यायाधिस समक्ष पेश गर्ने क्रममा शौचालय गएकोमा त्यतैबाट फरार भएका थिए । शौचालयको झ्यालबाट हामफालेर विश्वकर्मा फरार भएको बताइएको छ । १८ जना बन्दीलाई २१ जना प्रहरीले एक साथ अदालत लगेकोमा विश्वकर्मा न्यायाधीश समक्ष पेश गर्न हतकडी खोलेर लैजानेक्रममा शौचालय पसेको र २ तला माथिबाट हामफालेर फरार भएको दाङ प्रहरी प्रमुख बिरबहादुर वलीले बताए ।
फरार विश्वकर्माको खोजी कार्य जारी रहेको प्रहरीले जनाएको छ ।
प्रतिक्रिया