बुटवल । बुटवल स्थित मोतिपुर औदागिक करिडोरका अभियन्ता उद्योगी नवराज श्रेष्ठ संविधान दिवसको अवसरमा नेपाल सरकार द्वारा ‘नेपाल सेवा प्रवीण’ पदकबाट विभूषित हुने भएका छन् ।
राष्ट्रपति विद्यादेबी भण्डारीबाट विभूषित गरिने नेपाल सेवा प्रवीण पदक श्रेष्ठले पाल्पा र रुपन्देहीमा गरेको औदागिक तथा व्यवसायिक योगदानका लागि प्रदान गरिएको हो । बुटवल उद्योग बाणिज्य संघका पूर्व अध्यक्ष समेत रहेका श्रेष्ठको कार्यकालमा नै मोतिपुर औद्यागिक करिडोरको परिकल्पना गर्दै स्थापनाका लागि औपचारिक माग गरिएको थियो ।
श्रेष्ठले बुटवल स्थित निर्माणाधिन बुटवल मण्डपलाई बहुउद्देस्सिय प्रदर्शनी स्थल बनाउन आवश्यक जग्गा प्राप्तिको एजेण्डाको पनि अगुवाई गरेका थिए । हाल प्लास्टिक पाईप, पानी टङ्की लगायतका र्मिाणजन्य सामाग्रीका उत्पादक रहेका श्रेष्ठले उद्योग बाणिज्य, जेसिज लगायतका सामाजिक संस्थामा रहेर समाजमा योगदान गरेका छन् ।
पाल्पाबाट ब्यापार व्यवसायको शिलशिलामा बुटवल झरेका श्रेष्ठको नेतृत्वकालमा बुटवल उद्योग बाणिज्य संघले ठुलो योगदान गरेको बुटवलका व्यवसायीहरुले स्मरण गर्ने गर्दछन् ।
प्रतिक्रिया