बुटवल । लामो समयदेखि कांग्रेस निकट रहेर व्यवसायीक संगठनमा सक्रिय रहँदै आएका लुम्बिनी प्रदेशका २ जना व्यवसायीहरु कांग्रेस पार्टी परित्याग गरि राष्ट्रिय स्वतन्त्र पार्टी रास्वपामा प्रवेश गरेका छन् ।
उद्योग वाणिज्य संघ बुटवलका पूर्व अध्यक्ष नवराज श्रेष्ठ र उद्योग वाणिज्य संघ परासीका पूर्व अध्यक्ष बिरेन्द्रअग्रहरी कांग्रेस पार्टी परित्याग गर्दै रास्वपामा प्रवेश गरेका हुन् । दुबै जना उद्योग बाणिज्य महासंघका पूर्व केन्द्रीय सदस्य समेत हुन् ।
उनीहरुलाई रास्वपा सभापति रबि लामिछानेले पार्टी प्रवेश गराएका थिए । श्रेष्ठ बुटवल उद्योग वाणिज्य संघका पूर्व अध्यक्ष सहित मोतीपुर औद्यागिक क्षेत्रका प्रस्तावक समेत हुन् । हाल उनी पुर्खाले नुन बोक्ने बाटोकारुपमा रहेको बुटवल, मस्याम, ढाक्रेबास हुँदै भैरमथान सडक निर्माणको अभियानमा लागेका छन् ।
आफुले रास्वपा निकट रहेर काम गर्ने गरि अगाडी बढेको श्रेष्ठले बताए । आफुले प्रस्ताव गरेको मोतिपुर औद्यागिक क्षेत्र तथा बुटवल भैरमथान कम दूरीको सडक अभियानमा आफ्नो सक्रियता निरन्तर रहने उनले बताए ।
प्रतिक्रिया