‘मेरा लागि प्रधानमन्त्रीको पद हैन, जनताको विकास र समृद्धि प्राथमिकता हो’ : प्रचण्ड

चितवन । नेकपा माओवादी केन्द्रका अध्यक्ष पुष्पकमल दाहाल प्रचण्डले आफ्ना लागि प्रधानमन्त्री पद मुख्य नभएको बताएकाछन् ।

घटस्थापनाका अवसरमा आज चितवनमा आयोजित शुभकामना आदानप्रदान कार्यक्रममा बोल्दै प्रचण्डले जनताको विकास र समृद्धिलाई मात्रै आफुले पहिलो प्राथमिकतामा राखेको बताएका हुन् ।

राजनीतिक स्थिरता, आर्थिक विकास र समृद्धिका अघि प्रधानमन्त्री पद मुख्य हैन प्रचण्डले आफु प्रधानमन्त्रीको रेसमा नभएको बताउँदै भने, ‘मंसिर ४ मा चुनाव आउँदैछ। यहाँ प्रधानमन्त्रीको कुरा पनि आयो। म प्रधानमन्त्रीको रेसमा केही वर्षदेखि छैन चाहेको भए २०७४ मा पाँचै वर्षका लागि प्रधानमन्त्रीको अफर थियो।’

प्रचण्डले चितवनका जनता सचेत र लोकतन्त्रको पक्षमा रहेको बताउँदै मंसिर ४ मा कसलाई जिताउने भन्ने कुरा यहीँका जनताको हातमा रहेकोबताए । जनताको फैसला सबैलाई मान्य हुने उनले धारणा राखे ।