तनहुँ । तनहुँ क्षेत्र नं. १ मा नेपालीकांग्रेसका पूर्वसहमहामन्त्री गोविन्दराज जोशीले उम्मेदवारी दर्ता गराएका छन् । जोशीले स्वतन्त्रमा उम्मेदवारी दर्ता गराएका हुन् ।
गठबन्धनका साझा उम्मेदवारको रुपमा कांग्रेस वरिष्ठ नेता रामचन्द्र पौडेलले पनि यसै क्षेत्रबाट उम्मेदवारी मनोनयन दर्ता गराउँदैछन् । पौडेल र जोशीबीचको कटु सम्बन्ध रहेको छ ।
गत स्थानीय निर्वाचनमा पनि कांग्रेसको तर्फबाट उठेका मेयरका उम्मेदवार विरुद्ध जोशीकै छोरा लडेका थिए ।
जोशी विरुद्ध सर्वोच्च अदालतमा भ्रष्टाचार सम्बन्धी मुद्दा विचाराधीन छ । सोही मुद्दाको आधारमा २०७४ सालको निर्वाचनमा जोशीले उम्मेदवारी दिएपनि निर्वाचन आयोगले मनोनयन दर्ता खारेज गरेको थियो ।
प्रतिक्रिया