राष्ट्रपति भण्डारीसँग पाकिस्तानी राजदूत शाहले गरे बिदाई भेट

काठमाडौं । नेपालका लागि पाकिस्तानका राजदूत सैयद हैदर शाहले राष्ट्रपति विद्यादेवी भण्डारीसँग विदाई भेट गरेका छन् ।

राजदूत शाहले बिहीबार शितलनिवास पुगेर राष्ट्रपति भण्डारीसँग बिदाई भेट गरेका हुन् ।

भेटका अवसरमा राष्ट्रपति भण्डारीले राजदूत शाहलाई आफ्नो कार्यकाल सफलतापूर्वक सम्पन्न गरेकोमा र नेपालमा रहँदा दुई देशबीचको सम्बन्धलाई थप सुमधुर बनाउने प्रयास गरेकोमा बधाई दिएकी छिन् । साथै, उनले राजदूत शाहलाई आगामी कार्यकालका लागि शुभकामना दिइन ।

राजदूत शाहले दुई देशबीचको ऐतिहासिक सम्बन्ध र न्यानो सम्बन्धलाई स्मरण गर्दै नेपालमा राजदूत रहँदा आफूले गरेको प्रयासमा सहयोग गरेकोमा राष्ट्रपति र नेपाल सरकारलाई धन्यवाद दिएका थिए ।