बुटवल । एकीकृत समाजवादीका अध्यक्ष माधव कुमार नेपाल एमाले अध्यक्ष केपी ओली साबुनपानीले धुदैमा नसुध्रिने बताएका छन् । बुटवलमा भएको लुम्बिनी प्रदेशस्तरीय गठबन्धन अगुवा कार्यकर्ता भेलालाई सम्बोधन गर्दै आफुहरुले पहिले नै केपी ओली नसुध्रने निश्कर्ष निकालेर निस्केपनि घनश्याम भुसालहरु साबुनपानीले धुने प्रयासमा लागेको बताए ।
नेपालले एमाले अध्यक्ष ओलीले नेपालमा रहेका सबै प्रतिगामीहरुलाई संगै लिएर हिँडेको आरोप लगाउँदै राजतन्त्र ब्युंताउनेहरुको साँठगाँठले ओली प्रतिगमनको बाटोमा हिँडेको पुष्टि हुने बताए ।
‘स्थानीय चुनावमा प्रतिगामीलाई जसरी पराजित गर्यौं त्यसलाई पूर्ण बनाउन आउने चुनावमा पनि उनीहरूलाई पराजित गर्नुको विकल्प छैन’, नेता नेपालले भने ।
सत्ता गठबन्धनको प्रयासले प्रतिगामीलाई ठेगान लगाएको दाबी गर्दै उनले यो अभियान नचालेको भए सबै उपलब्धि गुम्ने दाबी गरे । ओली हिटलर बन्न खोजेको उनको आरोप थियो ।
आफूहरुले गठबन्धन गरेर मुलुकलाई निकै ठूलो संकटबाट बचाएको उल्लेख गर्दै समाजवादी अध्यक्ष नेपालले ओलीमा नयाँ तानाशाहाको आरोप लगाए ।
प्रतिक्रिया