काठमाडौं । राष्ट्रपति विद्यादेवी भण्डारी र प्रधानमन्त्री शेरबहादुर देउवाको यसवर्षको भाइटीका खाली भएको छ । राष्ट्रपतिको माइतीघरमा जुठो परेको र प्रधानमन्त्रीको यस वर्ष सहोदर भाईको निधन भएकाले दुबैजनाको भाइटीका खाली भएको हो ।
राष्ट्रपति भण्डारीलाई माइतीघरमा आफन्तको निधन भएर जुठो परेकाले भाइहरूलाई टीका नलगाएको राष्ट्रपति कार्यालयले जनाएको छ ।
भ्रातृशोकमा रहेका कारण प्रधानमन्त्री देउवाले पनि भाइटीका नलगाएको उनका स्वकीय सचिव भानु देउवाले जानकारी दिएका छन् ।
प्रधानमन्त्रीका भाइ प्रेमबहादुर देउवाको गत जेठमा निधन भएको थिए । भाइटीका नलगाएका प्रधानमन्त्री देउवाले यो वर्षदशैंको टीका नलगाएपनि पत्नी आरजु राणासँगै लक्ष्मी पूजा गरेको तस्वीर भने लक्ष्मी पूजाको दिन सार्वजनिक भएको थियो ।
प्रतिक्रिया