काठमाडौं । नेकपामा एमालेका अध्यक्ष केपी शर्मा ओलीले सत्ता गठबन्धनका नेताहरुले जनता अल्मल्याउने काम मात्र गरेको आरोप लगाएका छन् ।
शनिबार प्रवासी नेपाली मञ्चको प्रथम अन्तर्राष्ट्रिय अधिवेशन उद्घाटन समारोहमा बोल्दै अध्यक्ष ओलीले वर्तमान सरकार र गठबन्धनका नेताहरुसँग देश बनाउने कुनै पनि किसिमको मिसन(भिजन नभएको बताएका छन् ।
अध्यक्ष ओलीले उनीहरुले जादुगरी कुराहरु राखेर जनता अलमल्याउने गरी घोषणापत्र बनाएको भन्दै आलोचना गरे । ओलीले भने, ‘यिनीहरुको घोषणापत्रमा केही छैन, पोलिटिकल पार्टीले प्रोग्राम दिनुपर्यो, सोच हुनुपर्यो, यिनका घोषणापत्र शब्दहरुको थुप्रो हो ।’
ओलीले दिशाहीन रहेको पार्टीहरूलाई सरकारमा ल्याउने कि भिजन भएको पार्टीलाई सरकारमा ल्याउने हो भनेर प्रश्न गरे ।
उनले गठबन्धन सत्ता स्वार्थको गठजोठबाट बनेको आरोप लगाउँदै आगामी निर्वाचनपछि यस्तो सरकार बन्न दिन नहुने बताए। उनले जनताले सरकारको विकल्प खोज्नु बेला आएको बताए । एमालेबाहेक अर्को कुनै पनि दल बलियो राष्ट्रिय शक्ति बन्न नसक्ने हुँदा एमालेका उम्मेदवारहरुलाई विजयी बनाउन उनले आग्रह गरे ।
प्रतिक्रिया