बुटवल । एमाले उपाध्यक्ष एवं रुपन्देही क्षेत्र नम्बर २ बाट प्रतिनिधिसभा उम्मेदवार विष्णु पौडेलले बुटवलको कालिकापथको सडकलाई नेपालकै नमुना शहरी सडक बनाईने घोषणा गरेका छन् । बुटवल उपमहानगरको वडा नम्बर ११ को कालिकापथ होराइजन चोकको घरदैलो कार्यक्रममा सहभागी भएका पौडेलले कालिकापथको सडकले बुटवलको मुहार फेर्ने दाबी गरे ।
उनले कालिकापथकै जस्तो दर्जन बढी सडक बुटवलमा बन्ने योजना आफ्नो रहेको उल्लेख गर्दै शहरी सडककै नमुना सडकहरु बुटवलमामा बन्न सक्ने बताए । सडकका बिचमा रहेका हाइटेन्सन लाईनका बिद्युत पोलहरुलाई मानो पोलमा रुपान्तरण गरि सिङ्गल विद्युत मोनो पोलको अवधारणा तयार भएको उनले बताए ।
बुटवलको तिनाउमा बनेका मोटरेवल पुलहरुले पारी र वारी बुटवलको भावनालाई अन्त्य गरेको उल्लेख गर्दै बुटवलको विकासको गतिलाई कसैले रोक्न नसक्ने बताए । विकासको गतिलाई अझै तिब्रता दिन केपी ओलीको नेतृत्वमा सरकार बन्ने आवश्यक रहेको चर्चा गर्दै पौडेलले एमालेले सरकार बनाए मात्र विकासले गति लिने दाबी गरे ।
राजेन्द्र ढकालको सभापतित्वमा भएको घरदैलो सहितको कोणसभामा प्रदेश (क)का उम्मेदवार लिला गिरी पनि बोलेका थिए ।
प्रतिक्रिया