बुटवल । आसन्न फागुन २१ गते हुने प्रतिनिधिसभा सदस्य निर्वाचनका रुपन्देही २ बाट नेकपा एमालेका उपाध्यक्ष विष्णु प्रसाद पौडेल र नेपाली कांग्रेसका तर्फबाट उद्योगी चुन्नु प्रसाद पौडेलले उम्मेदवारी दर्ता गराएका छन् ।
उम्मेदवारी दर्ताका क्रममा छुट्टाछुट्टै कार्यकर्ताहरुको उपस्थिती सहित निर्वाचन क्षेत्र नं २ को निर्वाचन अधिकृतको कार्यालयमा पुगेका पौडेल द्वयले आ-आफ्नो पार्टीको तर्फबाट उम्मेदवारी दर्ता गराएका हुन् ।
उपाध्यक्ष पौडेलको उम्मेदवारी दर्ता गराउन एमाले नेता भोजप्रसाद श्रेष्ठ, उद्यमी एजाज आलम सहित ठुलो संख्यामा कार्यकर्ताहरु निर्वाचन अधिकृतको कार्यालय पुगेका थिए । एमाले उपाध्यक्ष पौडेलको समर्थकमा लुम्बिनी प्रदेशका पूर्व मुख्यमन्त्री लिला गिरी र प्रस्तावकमा प्रदेशका पूर्व स्वास्थ्य मन्त्री भोजप्रसाद रहेका छन् ।
प्रतिक्रिया