सप्तरी । राजविराज- ३ का ३४ वर्षीय विवेककुमार भट्टराई जारी प्रतिनिधिसभा र प्रदेशसभाकोको चुनावमा मत हाल्न विराटनगरबाट राजविराज आए । उनी बिहान १० बजे आफूले मतदान गर्ने मतदान केन्द्र केशो अनुरूद्धवती माध्यमिक विद्यालय पुगे । मतदान गर्ने प्रक्रियाअनुसार आफ्नो क्रमसंख्या र नाम खोज्दा उनको नाम मतदाता नामावली पाइएन् ।
नाम नभएको सुन्ने बितिक्कै उनी छक्क परे । उनको स्थानीय तहको चुनावमा नाम थियो । उनले मत पनि खसाएका थिए । अहिले नाम कसरी छैन रु भन्ने विषयमा मतदान अधिकृत निरन्जन यादवलाई जानकारी गराए ।
आफ्नो नाम नभएको जानकारी गराउनेबित्तिकै निर्वाचन अधिकृतले निर्वाचन कार्यालय सप्तरीमा सम्पर्क गर्दा डिलिट भएको हुन सक्ने प्रतिक्रिया पाएपछि उनले विवेकलाई निर्वाचन कार्यालयमा सम्पर्क गर्न भने ।
उनले निर्वाचन कार्यालयको वेब साइडमा पनि हेर नाम भेट्टाएनन् । त्यसपछि उनी निराश हुँदै फर्के । मत हाल्नैको लागि विराटनगरबाट आएका उनले कर्मचारीको लापरबाहीले मताधिकारबाट बन्चित हुनुपरेको भन्दै आक्रोश व्यक्त गरे ।
राजविराज- ३ का ७० वर्षीय हैदर अली पनि मतदानको दिन मतदान स्थलमा मत खसाल्नका लागि बिहानदेखि १२ बजेसम्म चार पटक धाए । उनले पनि नाम भेटेनन् । निर्वाचनको वेब साइडमा खोज्दा पनि उनको नाम र क्रम संख्या भेटिएन् । उनी मताधिकार बन्चित भएको भन्दै आक्रोशित हुँदै फर्के ।
१५ सय ४८ मतदाता रहेको उक्त मतदान केन्द्रमा दिउँसो २ बजेसम्म ५ सय ५० जनाले मतदान गरेका छन् ।
प्रतिक्रिया