काठमाडौं । कतारमा जारी फुटबल विश्वकपको सेमिफाइनलको पहिलो खेलमा क्रोएसियामाथि अर्जेन्टिनाले २ ० को अग्रता लिएको छ ।
क्रोएसियाली खेलाडीले गल्ती गरेपछि खेलको ३४ औं मिनेटमा अर्जेन्टिनालाई रेफ्रीले पेनाल्टी दिए । कप्तान लियोनल मेस्सीले कुनै गल्ती नगरी पेनाल्टीमार्फत गोल गर्दै टोलीलाई अग्रता दिलाए ।
पहिलो गोलको पाँच मिनेट नवित्दै खेलको ३९ औं मिनेटमा ९ नम्वर जर्सीका जुलियान अल्भारेजले सुन्दर गोल गर्दै आफ्नो टिमको अग्रतालाई दोब्बर पार्न सफल भए ।
पहिलो हाफको सफलतालाई दोस्रो हाफमा जोगाउन सकेमा अर्जेन्टिना फाइनलमा प्रवेश गर्नेछ ।
लियोनल मेस्सीले विश्वकपमा ११ गोल गरेका छन्, जुन प्रतियोगिताको इतिहासमा कुनै पनि अर्जेन्टिनाका खेलाडीमध्ये सबैभन्दा धेरै हो।
प्रतिक्रिया