काठमाडौं । क्रोएसियाली मोडल इभाना नल एक पल्ट फेरि चर्चाको शिखरमा पुगेकी छिन् । अर्जेन्टिनाविरुद्ध विश्वकपको सेमिफाइनल खेलमा पनि उनी रातो र सेतो लुगा लगाएर रंगशाला प्रवेश गरेकी थिइन ।
तर मंगलबार राति भएको खेलमा उनले जिन्स प्यान्ट लगाएकी थिइन । उनको कामुक पोसाकलाई लिएर आयोजक कतारले असन्तुष्टी जनाउदै आएको थियो ।
कतारमा महिलाहरुको पहिरनलाई लिएर कडा कानुन छ । उनी आधुनिक लुगा लगाएर रंगशालाभित्र प्रवेश गर्दा कतारी दर्शकले सबैभन्दा बढी उनलाई पछ्याएका थिए ।
क्रोएसियाले क्वाटर फाइनलमा ब्राजिललाई पराजित गर्दा सुरक्षाकर्मीले उनलाई दर्शकसँग फोटो खिच्न दिएका थिएनन् । उनलाई रेलिङमा बसेर फोटो खिच्न पनि दिइएको थिएन । ३० वर्षीय पूर्व मिस क्रोएसियाले यस विषयमा असन्तुष्टी जाहेर गरेकी थिइन ।
इभाना कतारमा जारी विश्वकपको सबैभन्दा हट दर्शक मानिन्छिन् ।
प्रतिक्रिया