काठमाडौं । कतारमा जारी फुटबल विश्वकपको पहिलो सेमिफाइनल खेलमा क्रोएसियालाई ३ ० ले पराजित गर्दै अर्जेन्टिना फाइनलमा प्रवेश गरेको छ ।
खेलको ७१औं मिनेटमा कप्तान लियोनल मेस्सीको उत्कृष्ट पासमा जर्सी नंं ९ का जुलियान अल्भारेजले सुन्दर गोल गरेपछि अर्जेन्टिनाले तेस्रो गोल गर्यो ।
यसअघि क्रोएसियाली खेलाडीले गल्ती गरेपछि खेलको ३४ औं मिनेटमा अर्जेन्टिनालाई रेफ्रीले पेनाल्टी दिएका थिए । कप्तान मेस्सीले कुनै गल्ती नगरी पेनाल्टीमार्फत गोल गर्दै टोलीलाई १ गोलको अग्रता दिलाएका थिए । पहिलो गोलको पाँच मिनेट नवित्दै खेलको ३९ औं मिनेटमा अल्भारेजले गोल गर्दै आफ्नो टिमको अग्रतालाई दोब्बर पार्न सफल भएका थिए ।
अर्जेन्टिना यसअघि सन् २०१४ को विश्वकपमा पनि फाइनलमा पुगेको थियो ।
आजको खेलमा गरेको गोलसहित मेस्सीले कुनै पनि अर्जेन्टिनी खेलाडीको रेकर्ड तोड्दै विश्वकपमा ११ गोल पुर्याएका छन् ।
प्रतिक्रिया