बुटवल । रुपन्देही लनटेनिस संघले पुर्णता पाएको छ । दोस्रो साधारण सभा तथा अधिवेशन लगतै बसेको पहिलो पुर्ण बैठकले एक उपाध्यक्ष, दुई सदस्य र ३ सल्लाहकार मनोनित गरेसंगै पुर्णता पाएको हो ।
संघको उपाध्यक्षमा राम बहादुर बिक, सदस्यहरुमा अस्वी थापा र शेषमणी चौधरी तथा सल्लाहकारहरु मनोज कुमार बस्नेत, अर्जुन गुरुङ, अब्दुल सहमतलाई मनोनित गरिएका संघका अध्यक्ष गोपाल प्रसाद ज्ञवालीले बताए । बैठकबाट वार्षिक कार्ययोजना अनुसार फागुनमा नियमित राष्ट्रिय लन टेनिस प्रतियोगिता गर्ने निर्णय भएको अध्यक्ष ज्ञवालीले बताए ।
गत शनिबार सम्पन्न संघको दोस्रो साधारण सभा तथा अधिवेशनबाट गोपाल प्रसाद ज्ञवालीको अध्यक्षतामा आठ सदस्यीय नयाँ नेतृत्व निर्वाचन भएको थियो । जसको उपाध्यक्षमा डा मनोज ढुगाना, सचिव सबिर मिया, कोषाध्यक्ष विष्णु प्रसाद चापागाईं, सदस्यहरुमा मनोज नेपाल, डा टिकाराम घिमिरे, लक्ष्मी पौडेल अर्याल, सोम राना सर्वसम्मत चयन भएका थिए ।
प्रतिक्रिया