इस्लामावाद । महिला विद्यार्थीहरूको लागि विश्वविद्यालय शिक्षामा प्रतिबन्ध लगाउने निर्णयलाई पुनर्विचार गर्न पाकिस्तानले अफगान अधिकारीहरूसँग आग्रह गरेको छ
पाकिस्तानी विदेश मन्त्रालयले एक विज्ञप्ति जारी गर्दै अफगानिस्तानमा छात्राका लागि विश्वविद्यालय र उच्च शिक्षामा प्रतिबन्ध गरेकोमा पाकिस्तान निरास भएको जनाइएको छ ।
महिला शिक्षाको मुद्दामा पाकिस्तानको अडान स्पष्ट र स्थिर रहेको विदेशमन्त्रलयका प्रवक्ताले विज्ञप्तिमा उल्लेख गरेका छन् । उनले भनेका छन्, ‘हामी दृढ विश्वास गर्छौं कि प्रत्येक पुरुष र महिलालाई इस्लामको आदेश अनुसार शिक्षाको अन्तर्निहित अधिकार छ।’
अफगानिस्तानको तालिबान सरकारले हालै महिलालाई विश्वविद्यालय शिक्षामा प्रतिबन्ध लगाएको थियो ।
प्रतिक्रिया