बुटवल । इलाका प्रहरी कार्यालय बुटवलका प्रहरी नायव उपरीक्षक (डीएसपी) ठगबहादुर केसी प्रहरीकै अनुसन्धान टोलीको नियन्त्रणमा परेका छन् ।
प्रहरी प्रधान कार्यालयको निर्देशनमा काठमाडौंबाट आएको अनुसन्धान टोलीले केसीलाई आइतबार र साँझ निवासबाटै नियन्त्रणमा लिएको हो ।
सुन कारोबारसम्बन्धी मुद्दामा रकम असुली गरेको विषयमा अनुसन्धान गर्न भन्दै आएको प्रहरी टोलीले केसीको निवासमा खानतलासी गर्दा लाखौं नगद फेला परेको प्रहरी प्रहरी स्रोतले दाबी गरेको छ ।
घटनाका सम्बन्धमा नेपाल प्रहरीको केन्द्रिय अनुसन्धान व्यूरोका डिआइजी उत्तम सुबेदीले अनुसन्धान टोलीले कारवाही गरेको पुष्टि गरे । उनले बरामद भएका सामाग्रीको विवरण आइनसकेको भन्दै केन्द्रबाट पठाइएको टोलीले ईलाका प्रहरी कार्यालयका डीएसपी ठगबहादुर केसीमाथि अनुसन्धान थालिएको खबरकुरालाई बताए ।
प्रहरी स्रोतका अनुसार मंसिरमा बुटवलका एक व्यापारीले ल्याएको सुन नियन्त्रणमा लिएर आफैँले राखेको सूचना पाएपछि प्रहरी प्रधान कार्यालयले उनिहरुमाथि छानबिन सुरू गरेको थियो ।
जिल्ला प्रहरी कार्यालय रुपन्देहीका प्रमुख एसपी रबिन्द्र रेग्मीले घटनाको पुष्टी गर्दै ब्यूरोको टोलीसँग भेट भएपछि मात्र बरामद भएका सामानको विवरण दिन सकिने बताए । ‘केहीबेरमा ब्यूरो टोलीसँग भेट हुँदैछ, त्यसपछि नै सबैकुरा थाहा होला ।’ खबरकुरासँग कुरा गर्दै उनले भने ।
केसीको निवासबाट ३५ तोला सुन र २५ लाख रुपैयाँ नगदसमेत बरामद भएको प्रहरी स्रोतको भनाइ छ । केसीले सुन नियन्त्रणमा लिई व्यापारीसँग २५ लाख रुपैयाँ मागेको आरोप छ ।
प्रतिक्रिया