काठमाडौं । नियमविपरित व्यक्तिगत तवरमा राखिएका सुरक्षाकर्मी र सहयोगीलाई ४८ घण्टाभित्र फिर्ता गर्न गृह मन्त्रालयले निर्देशन दिएको छ ।
गृहमन्त्रीमा रवि लामिछाने प्रवेश गरेको भोलिपल्टै मन्त्रालयले मातहतका सुरक्षा निकायलाई यस्तो निर्देशन दिएको हो । मन्त्रालय आज विज्ञप्ति जारी गर्दै बहालवाला तथा पूर्वकर्मचारी र सुरक्षाकर्मीले नियम विपरीत व्यक्तिगत सुरक्षाकर्मी र सहयोगी राखेको भए फिर्ता गर्न निर्देशन दिएको हो ।
विज्ञप्तिमा ‘विशिष्ट व्यक्तिहरुको सुरक्षा व्यवस्थापन कार्यविधि २०७७ को व्यवस्था भन्दा विपरीत सेवा सुविधा लिएको र व्यक्तिगत सुरक्षाकर्मी तथा सहयोगी राखेको भए ४८ घण्टाभित्र फिर्ता गर्न मातहतका सुरक्षा नियकालाई निर्देशन गरिसकिएको हुँदा उक्ता कार्यविधि पालना गर्नुहुन सबैमा अनुरोध छ ।’
प्रतिक्रिया