बुटवल । इलाका प्रहरी कार्यालय बुटवलमा हालै काज सरुवा भएर आएका प्रहरी नायब उपरीक्षक (डीएसपी) दानबहादुर थापाले प्रहरी युनिटहरुमा आधुनिक बैज्ञानिक उपकरणको अभावमा प्रहरी अनुसन्धान प्रभावित हुने गरेको बताएका छन् ।
दश दिनअघि मात्रै बुटवल आएका डीएसपी थापाले पत्रकारहरुसँग परिचयात्मक अन्तरक्रियमा बोल्दै समाजमा साइबर क्राइम बढेपनि उपकरणको व्यवस्थापन नहुँदा काम कारवाही प्रभावित हुने गरेको बताए । साइबर क्राइममा भएका प्रमाणहरु अनुसन्धानका लागि काठमाडौं पठाउनुको विकल्प नरहेको उल्लेख गर्दै उनले काठमाडौंबाट रिपार्टको प्रतिबेदन आउँदा कानुनले तोकेको अनुसन्धानको म्याद सकिसक्ने गरेको बताए ।
उनले प्रहरीमा जनशक्तिको अभाव रहेको, एउटै प्रहरीले विविध जिम्मेवारी पुरा गर्नुपर्ने बाध्यता रहेको तथा कार्यगत स्वायत्तताको अभाव रहेको समेत बताए ।
उनले आफुले प्रहरी संगठनले तोकेको व्यवसायिक बाहेकको अन्य कार्य नगर्ने प्रतिबद्धता पनि व्यक्त गरे । इलाका प्रहरी कार्यालय बुटवलका यसअघिका डीएसपी ठगबहादुर केसी जाँदाजाँदै सुन काण्डको कसुरमा मुछिएको तर्फ संकेत गर्दै डीएसपी थापाले कुनैपनि आर्थिक प्रलोभनमा आफू नपर्ने बताए । “मेरो २५ वर्षको प्रहरी सेवा स्वच्छ ढंगले नै बितेको छ, अव पनि कुनै आर्थिक प्रलोभनमा फस्ने छैन”–उनले भने ।
३५ तोला सुन र लाखौं रकम काण्डमा मछिएका यस अघिका डीएसपी ठगबहादुरमाथिको अनुसन्धान जारी छ ।आफू कुनै आर्थिक प्रलोभनमा नफस्ने बताएका छन् ।
उनले बुटवले बुटवलको मुख्य समस्या लागू औषध नियन्त्रण रहेको र पछिल्लो समय आत्महत्या रोकथाम पनि मुख्य चुनौतीको रुपमा देखिएको भन्दै हत्या, हिंसा, लुटपाट, चोरी डकैती जस्ता जघन्य अपराधमा संलग्नलाई पनि कानुनी दायरामा ल्याउन कुनै कसर बाँकी नराख्ने बताए ।
प्रतिक्रिया