काठमाडौं । नागरिक उन्मुक्ति पार्टीका अध्यक्ष रञ्जिता श्रेष्ठले आफ्नो पार्टीले प्रधानमन्त्री पुष्पकमल दाहाल ‘प्रचण्ड’लाई विश्वासको मत दिने बताएकी छिन् ।
प्रतिनिधि सभामा प्रधानमन्त्री प्रचण्डले राखेको विश्वासको मत लिने प्रस्तावमाथिको छलफलमा भाग लिँदै उनले आफूहरु प्रधानमन्त्रीसँगै गोलबद्ध रहेको बताइन् । तर, न्याय चाहिएको दोहोर्याइन् । ‘हामीलाई न्याय चाहिएको छ । समयमै न्याय, पलभरमै न्याय, अहिले नै न्याय’, उनले भनिन् ।
प्रधानमन्त्री बनाउन समर्थन गरेको भएपनि नागरिक उन्मुक्ति पार्टी प्रतिपक्षमा बस्ने बताउँदै आएको छ । प्रचण्डले गरेको वकितम् वाचा पूरा भएको भए अहिले आफूहरु सत्ता पक्षमा हुने थियौँ भन्ने श्रेष्ठको भनाइ थियो । ‘जबसम्म हाम्रो माग मुद्दा पूरा हुँदैन तबसम्म हामी प्रतिपक्षमै हुनेछौँ’, उनले भनिन् ।
उनले आफूहरुमा संविधानप्रति असन्तुष्टि रहेको बताइन् । तर, असहमति भने नभएको उनको भनाइ छ । ‘विद्रोबाट जन्मिएको पार्टीले एक दिन आफ्नो अधिकार प्राप्त गरेरै छाड्ने छ’, उनले भनि न्।
प्रतिक्रिया