काठमाडौं । प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच भेटवार्ता भएको छ ।
बुधबार साँझ माओवादी केन्द्रका अध्यक्षसमेत रहेका प्रधानमन्त्री प्रचण्ड आफैँ ओलीको निवास बालकोट पुगेका हुन् । दुई अध्यक्षबीच समसमायिक राजनीतिक विषयमा कुराकानी भएको बताइएको छ ।
अध्यक्ष ओलीसँग संघीय मन्त्रीहरुको बाँडफाँटका विषयमा छलफल गर्न प्रधानमन्त्री प्रचण्ड बालकोट पुगेको बताइएको छ । सत्ता साझेदार दलहरुबीच मन्त्रालयको संख्या र विभाग बाँडफाँटको लागि अनौपचारिक छलफल चलिरहेकै बेला प्रचण्ड ओली निवास पुगेका हुन् ।
संविधानको सीमाअनुसार प्रधानमन्त्रीसहित बढीमा २५ सदस्यीय मन्त्रिपरिषद हुने भएकाले साझेदार दलहरुको आकारअनुसार संख्या र विभागीय मन्त्रालय बाँडफाँट हुने यस अघि शिर्श नेताहरुले सहमति गरिसकेका छन् ।
सत्ता साझेदार दलहरुबीच मन्त्रालय नफुटाउने सहमति भइसकेको छ । २५ जनामा नबढ्ने गरि मन्त्रिपरिषदले शुक्रबारसम्म पूर्णता पाउने अपेक्षा गरिएको छ ।
प्रतिक्रिया