बुटवल । लुम्बिनी प्रदेशको मुख्यमन्त्री लिला गिरीले मुख्यमन्त्रीको कार्यभार सम्हाले लगत्तै आमाको आशिर्वाद लिन रुपन्देहीको छपिया पुगेका छन् । देउखुरी उपत्यका स्थित मुख्यमन्त्री कार्यालयमा पदभार ग्रहण गरेको पर्सिपल्ट गृह जिल्ला रुपन्देही फर्केका मुख्यमन्त्री गिरी आफ्नो निवास पुग्नु पहिले आमासँग आशिर्वाद लिन छपिया पुगेका थिए ।
मुख्यमन्त्रीको कान्छो भाईसँग छपियामा बस्दै आएकी आमा केशवकुमारी गिरीलाई शाष्टाङ्ग दण्डवत गर्दै मुख्यमन्त्री गिरीले आमासँग आशिर्वाद मागेका थिए । आमाले गिरीको टाउकोमा हात राखेर सफलताको शुभकामना दिएकी थिइन् ।
९० वर्षिया आमा भेट्न भाई बस्दै आएका घर पुगेका मुख्यमन्त्री दम्पत्ती कोशेली सहित पुगेका थिए । केहीबेर आमासँग भलाकुसारी गरेपछि गिरी शिर्श नेताहरुसँग छलफल गर्न काठमाडौं प्रस्थान गरेका छन् । प्रदेश मन्त्रिमण्डल बिस्तार मन्त्रालयको भागवढडाका सम्बन्धमा नेताहरुसँग छलफल गर्न मुख्यमन्त्री गिरी काठमाडौं प्रस्थान गरेको बताइएको छ र
प्रतिक्रिया