धनगढी । सभामुख चयन गर्न आज पनि सुदुरपश्चिम प्रदेशसभाको बैठक बस्दैछ ।
गत शुक्रबार दोस्रोपटक सभामुख चयन गर्न नसकेको प्रदेशसभाले आज जसरी पनि सभामुख चयन गर्नुपर्ने संवैधानिक बाध्यता रहेको छ । अंकगणितका आधारमा निर्णायक पोजिसनमा रहेको नागरिक उन्मुक्ति पार्टी तटस्थ बस्दा शुक्रबार सभामुख चयन अनिर्णित बनेको थियो ।
प्रदेशसभा बैठक बसेको १५ दिनभित्र सभामुख चयन भैसक्नुपर्छ । आज सुदुरपश्चिम प्रदेशसभा बसेको १५ दिन पुग्दैछ ।
प्रदेशसभाको बैठक बस्नुअघि अहिले बिहान सर्वदलीय बैठक बसेको छ ।
रकार निर्माणको क्रममा समर्थन गरेको नागरिक उन्मुक्ति पार्टीले शुक्रबार भने आफ्ना माग पुरा नभएसम्म तटस्थ बस्ने जनाएको थियो । मन्त्री नियुक्त गर्दा आफुहरुसँग कुनै छलफल नगरेको, रेशम चौधरीलाई रिहा नगरेको आरोप सो पार्टीले लगाएको छ । नागरिक उन्मुक्ति पार्टीका ७ जना प्रदेशसभा सांसद रहेका छन् ।
सदुरपश्चिम प्रदेशमा नेपाली कांग्रेसका १९, नेकपा माओवादी केन्द्रका ११, नेकपा एमालेका १०, नागरिक उन्मुक्ति पार्टीका ७ जना सांसद रहेका छन् । यस्तै, एकीकृत समाजवादीका ४ जना, राप्रपा १ र स्वतन्त्र १ सासंद छन्।
सभामुख चयन गर्न कम्तिमा २७ मत चाहिन्छ।
प्रतिक्रिया