काठमाडौं । राष्ट्रिय स्वतन्त्र पार्टीकी सांसद इन्दिरा राना मगरले उपसभामुखमा उम्मेदवारी दर्ता गराएकी छिन् ।
सत्ता गठबन्धनको समर्थनमा रास्वपा सांसद मगरले उम्मेदवारी दर्ता गराएकी हुन् । बिहान बसेको रास्वपाको संसदीय दलको बैठकले रानालाई उपसभामुखको उम्मेदवार बनाउने निर्णय गरेको थियो । यसअघि उपसभामुखमा सोविता गौतमको चर्चा थियो ।
मगरको प्रस्तावकमा सोविता गौतम रहेकी छिन् । समर्थकमा एमालेका कृष्णगोपाल श्रेष्ठ, माओवादी केन्द्रकी नारायणी शर्मा र राप्रपाका राजेन्द्र लिङ्देन छन् ।
उपसभामुखको निर्वाचन भोलि शनिबार हुने कार्यक्रम रहेको छ ।
प्रतिक्रिया