६ चैत्र २०८०, मंगलबार | March 19, 2024

रवि लामिछानेको अभिव्यक्ति प्रति पत्रकार महासंघको आपत्ति



काठमाडौं । पूर्व उपप्रधान तथा गृहमन्त्री रवि लामिछानेले पत्रकार सममेलनमा दिएको अभिव्यक्ति प्रति नेपाल पत्रकार महासंघले आफ्नो धारणा सार्वजनिक गरेको छ । महासंघले राष्ट्रिय स्वतन्त्र पार्टीका सभापति लामिछानेले सञ्चार क्षेत्रप्रति दिएको अभिव्यक्ति आपत्तिजनक र अशोभनीय भएको धारणा सार्वजनिक गरेको हो ।

महासंघका महासचिव रोसन पुरीले विज्ञप्ति जारी गर्दै सञ्चार माध्यममा प्रकाशित तथा प्रसारित सामग्रीप्रति चित्त नबुझे प्रचलित विधि र पद्धतिअनुसार अघि बढ्न सकिने प्रावधान हुँदा हुँदै धम्कीपूर्ण शैलीमा प्रस्तुत हुनु आपत्तिजनक र अशोभनीय भएको उल्लेख गरिएको छ ।

आइतबार रास्वपाको केन्द्रीय समिति र संसदीय दलको संयुक्त बैठक लगत्तै पत्रकार सम्मेलन गरेर लामिछानेले सञ्चार माध्यम, तिनका सञ्चालक र पत्रकारबारे खरो टिप्पणी गरेका थिए ।

महासंघले विज्ञप्तिमा रविले आधारहीन र पूर्वाग्रही आरोप लगाएर धम्कीपूर्ण अभिव्यक्ति दिएको भन्दै विरोध जनाएको छ । लामिछानेले नाम लिएर सार्वजनिक धम्की दिँदा सञ्चार प्रतिष्ठान र सञ्चारकर्मी असुरक्षित हुन सक्ने विज्ञप्तिमा लेखिएको छ । ‘लामिछानेको अभिव्यक्तिले कुनै अप्रिय घटना घटेमा त्यसको जिम्मेवारी स्वयं लामिछाने र राष्ट्रिय स्वतन्त्र पार्टीले लिनुपर्ने महासंघ प्रष्ट पार्न चाहन्छ’ विज्ञप्तिमा भनिएको छ ।

महासंघले आफ्नो धम्कीपूर्ण अभिव्यक्ति फिर्ता लिई सञ्चार क्षेत्रको संवैधानिक अधिकारको सम्मान गर्न पनि लामिछानेलाई आग्रह गरेको छ ।

प्रकाशित मिति : २२ माघ २०७९, आइतबार  ९ : १८ बजे

एकदिनमै बैंक–वित्तीय संस्थाले राष्ट्र बैंकमा राखे अर्ब बढी निक्षेप

काठमाडौं । नेपाल राष्ट्र बैंकमा बैंक तथा वित्तीय संस्थाले १

दुर्घटनाका घाइतेको उपचारको गर्न सरकारलाई ओलीको आग्रह

काठमाडौं । नेपाल कम्युनिष्ट पार्टी (एमाले)का अध्यक्ष केपी शर्मा ओलीले

सबै दर्शकले हेर्न पाउने ‘महाजात्रा’

काठमाडौं । यसवर्षको प्रतिक्षित फिल्म ‘महाजात्रा’ सम्पूर्ण वर्गका दर्शकले हेर्न पाउने

सहकारी पीडित र सरकारी टोलीबीच आज वार्ता हुँदै

काठमाडौं । सरकार र आन्दोलनरत सहकारी पीडितबीच मंगलबार वार्ता हुँदै

चालीस करोडको राजस्व छली मुद्दामा ७९ करोड मागदाबीसहित व्यवसायी विरुद्द मुद्दा

काठमाडौं । राजस्व अनुसन्धान विभागले भन्सार छली गरी झण्डै रु