बुटवल । यातायात मजदूर तथा व्यवसायी भलाई कोष रुपन्देहीको अध्यक्षमा दिनेश फुल्लेल निर्वाचित भएका छन् । कोषको शुक्रबार सम्पन्न निर्वाचनमा फुल्लेल दोस्रो कार्यकालका लागि निर्वाचित भएका हुन् । निकटतम प्रतिद्वन्दी डिलबहादुर थापालाई पराजित गर्दै उनी विजयी हुन सफल भएका हुन् ।
निर्वाचनमा फुल्लेलले ३०९ मत प्राप्त गर्दा थापाले ८९ मत प्राप्त गरेका थिए । यसैगरी महासचिव पदमा योगबहादुर गुरुङ निर्वाचित भएका छन् उनले अर्को उम्मेदवार मुक्तिराम खरेललाई पराजित गरेका छन् । गुरुङले ३२८ मत पाउँदा खरेलले ७१ मत प्राप्त गरेका थिए । कोषाध्यक्ष पदमा प्रकाशकुमार नेपाल ३२७ मत प्राप्त गरि विजयी हुँदा उनीसँग प्रतिस्पर्धा गरेका चिरञ्जिवी पाण्डेले ७१ मत प्राप्त गरेका छन् ।
कोषको अन्य पदाधिकारीहरुमा भने यसअघि नै निर्विरोध निर्वाचित भएको निर्वाचन समितिका संयोजक रामराज पोखरेलले जानकारी दिए ।
संयोजक पोखरेलका अनुसार उपाध्यक्षमा छविलाल थापा र सचिवमा विजेश न्यौपाने निर्विरोध भएका छन् । अन्य १२ जना कार्यसमिति सदस्यहरु पनि निर्विरोध भएका छन् । सदस्यहरुमा किशोर क्षेत्री, भक्तिराम शर्मा, अमित अधिकारी, लालकाजी गुरुङ, दिलीप कार्की, श्याम गैरे, अर्जुनकुमार बन्जाडे, सुदर्शन धिताल, चेतबहादुर गुरुङ, लक्ष्मीप्रसाद पाण्डे, नरबहादुर रजाली र प्रकाश गैरे रहेका छन् ।
प्रतिक्रिया