बुटवल । बाँकेका हरित अभियन्ता हेमन्तराज काफ्लेले लुम्बिनी पुगेर लुम्बिनी परिषरमा कल्पबृक्षको बृक्षारोपण गरेका छन् । लुम्बिनी सांस्कृतिक नगरपालिकाका नगर प्रमुख सजरुद्दीन मुसलमानको प्रमुख आतिथ्यतामा अभियन्ता काफ्लेले लुम्बिनीमा कल्पबृक्ष बृक्षारोपण गरेका हुन् ।
लुम्बिनी विकास कोषले तयार गरेको बोटानिकल गार्डेनमा काफ्ले सहित लुम्बिनी विकास कोषका कम्लेश बर्मा, नगरप्रमुख मुसलमानलगायतले कल्पबृक्ष सहित सितलचीनीको विरुवा रोपण गरिएको अभियन्ता काफ्लेले जानकारी दिए । काफ्लेका अनुसार लुम्बिनीमा बृक्षारोपण गर्न कियोन नामक संस्थाले साझेदारी गरेको थियो भने जर्मनीमा रहेकी साधना राना अधिकारीले काफलेलाई कल्पवृक्षको बिउ उपलब्ध गराएकी थिइन् ।
आज लुमिबनीमा एक कार्यक्रम गर्दै नगरप्रमुख मुसलमानलाई सितलचीनीको बिरुवा हस्तान्तरण गर्दै बृक्षारोपणको उदघाटन गरिएको थियो । कार्यक्रममा बोल्दै अमेरिकी नागरिक प्याट्रीक चाउले सितलचिनिको फाईदाको बारेमा जानकारी दिएका थिए । उनले विश्वका १९ वटा देशमा मोरिङ्गा अभियान आफ्नो एकल प्रयासले संचालन गरेको बताए ।
नगरप्रमुख मुसलमानले हरित लुम्बिनी बनाउने आफ्नो दायित्व भएकाले आफु स्थानीय निकाय मार्फत सधै रुख लगाउने अभियानमा सङ्गै रहने प्रतिबद्धता व्यक्त गरे ।
कियोनका सन्तोष सापकोटाले आज बृक्षारोपण गरिउका कल्पबृक्षको रेखदेख गर्दा लाग्ने सम्पुर्ण खर्च कियोनले बेहोर्ने जानकारी दिए ।
लुम्बिनी विकास कोषका बनस्पती बिभागका कम्लेश बर्माले धार्मिक महत्वको बिरुवा आफ्नो हातबाट लगाउन पाउँदा खुसी लागेको र मोरिङ्गाको पातको फाईदाको बारेमा जान्न पाउँदा निकै खुसी भएको बताए ।
प्रतिक्रिया