काठमाडौं । मंसिर ४ मा सम्पन्न निर्वाचनमा कांग्रेसको घोषणा पत्रका मस्यौदाकार रहेका अर्थशास्त्री स्वर्णिम वाग्लेले कांग्रेस छाडेको घोषणा गरेका छन् । वाग्लेले कांग्रेस महामन्त्री गगन थापा र विश्वप्रकाश शर्मासहित देउवा इतरका ४ नेतालाई आफू कांग्रेसमा नरहेको सन्देश पठाएर सम्पर्क विहीन भएको कांग्रेसको उच्च स्रोतले जनाएको छ ।
राष्ट्रिय स्वतन्त्र पार्टीले तनहुँ–१ बाट उपनिर्वाचनमा उम्मेदवार बन्न प्रस्ताव गरेसँगै वाग्लेले नेताहरुलाई सन्देश पठाएर सम्पर्क बाहिर पुगेको ती नेताले बताए । स्रोतका अनुसार वाग्लेले महामन्त्रीद्वयसँगै देउवा इतरका नेताहरु शेखर कोइराला र डा. गोविन्द राज पोखरेललाई एसएमएस पठाएर आफू कांग्रेसमा नरहेको जनाएका हुन् ।
वाग्लेले कांग्रेसमा नरहेको भन्दा पनि ‘शेरबहादुर–आरजु कांग्रेसमा रहिन’ भन्ने सन्देश पठाएको स्रोतको दाबी छ । स्वर्णिमको एसएमएस आए लगत्तै महामन्त्रीद्वय र अरु नेताहरुले निरन्तर सम्पर्कको प्रयास गरेपनि वाग्ले सम्पर्कमा आएका छैनन् ।
स्रोतका अनुसार स्वर्णिम रास्वपाबाट उपचुनावमा तनहुँबाट उम्मेदवार बन्ने निश्चित भएको छ ।
प्रतिक्रिया