बुटवल । रुपन्देहीको तिलोत्तमामा घर भित्र पार्किङ गरिएको मोटरसाईकल चोरी भएको छ । तिलोत्तमा ५ स्थित क्रिमसन अस्पताल अगाडि निजी निवासमा पार्किङ गरेर राखिएको बुलेट मोटरसाईकल गयराती चोरी भएको मोटरसाइकल धनी अन्कित अर्यालले बताएका छन् ।
घरको कम्पाउण्ड भित्र पार्किंग गरेको अवस्थाको लु ५६ प ३१३२ नम्बरको खैरो रंगको बुलेट मोटरसाइकल गयराती अन्दाजी १२ बजे पछि बिहान ५ बजे भित्रको समयमा चोरी भएको अर्यालले बताए ।
चोरी भएको सम्बन्धमा आज बिहानै इलाका प्रहरी कार्यालय मंगलापुरमा उजरी दर्ता गरेपनि अहिले सम्म फेला नपरेको उनले बताए । उनले मोटरसाइकल कसैले देखेमा प्रहरीलाई खबर गरिदिन आग्रह समेत गरेका छन् ।
प्रतिक्रिया